حلوى باردة
المقادير والطريقة:
السلام عليكم هادي حلوى بارده كتجي زوينه مكونة من أربع طبقات الطبقة الاولى بيسكوي متوفر عندك قياس 300 غرام طحنيه مزيان وجميعه بصلصة التوفي او زبدة حسب الدوق ديالك سرحيه في مول كيتفتح من الجوانب ودخليه للتلاجه الطبقه التانية 200غرام جبن جبلي او اي جبن كيعجبك اضيفي عليهم 4 قطع فرماج مربعات 2 معالق كبار سكر كلاصي 2 علب ياغورت كريمي ورقه جيلاتين مفزكه في ماء دافي ومصفيه مزيان نخلط العناصر جيدا ونخويه على البسكوي ديالي ونردو للتلاجه يقبط مزيان لمدة ساعتين الطبقه التالته 1 حبة من فاكهة الكاكي نطحنها مع 1/2 لتر عصير برتقال تعمل في كاسرول فوق نار هادئه نضيف لها 2 علب من فلان فاني مع 2 معالق كبار سكر نحرك جيدا حتى الغليان تزال من فوق النار نضيف 2 ورقات جيلاتين مفزكة في ماء دافي ومقطره جيدا ونحرك يترك حتى يبرد قليلا ويفرغ فوق طبقة الجبن يدخل للتلاجة حتى يتماسك جيدا ونقوم بتحضير الطبقه الاخيره بنفس الطريقه هاده المرة بالفريز 250 غرام فريز ونصف لتر عصير ليمون و 2 علب فلان فريز و 2 ورقة جيلاتين تترك الحلوى حتى تبرد وتزين حسب الرغبة وبصحتكم ...ملاحظة :من الافضل اعدادها بليلة من قبل وتقدم في الغد.
0 التعليقات:
إرسال تعليق