صلصات مايونيز بنكهات مختلفة
المقادير:
بطاطا مسلوقة+كاس صغير حليب+ بيضة+ نصف كاس زيت+ ملح+ ابزار+ معلقة الخل+ قزبور ومعدنوس مقطع+ زيتون اسود مقطع +معلقة الكيتشوب+ شوية الهريسة+ربع بصلة مشلضة ونص معلقة صغير ة عصير حامض.
الطريقة:
في الخلاط الكهربائي نديرو بطاطا مسلوقة وبيضة والملح والابزار والحليب والخل ونطحنو ونزيدو الزيت شوية بشوية حتى تعقد الصلصة ونقسموها على اربعة الاولى نخليوها بيضاء بلونها ومذاقها الاصلي والثانية نزيدو ليها القزبور والمعدنوس و بصلة مشلضة ونطحنوها غادي نحصلو على صلصة خضراء والثالتة نزيدو ليها زيتون اسود وعصير حامض ونطحنوها كنحصلو على صلصة بنية شهية والرابعة نزيدوها الكيتشوب وشوية الهريسة وكنحصلو على صلصة حمراء بمذاق حار.
وكيرفقو هاد الصلصات جميع المقليات والمشويات والسندويشات وبصحتكم.
وكيرفقو هاد الصلصات جميع المقليات والمشويات والسندويشات وبصحتكم.
0 التعليقات:
إرسال تعليق