سموثي الاوريو بالموز
المقادير:
نصف لتر حليب
3 بنانات مقطعين طريفات مجمدين انا ديما كنقطع البنان ونديرليه قليل من عصير الحانض باش ميكحال ونديرو في الفريكو.
فاني
دانون ديال البنان
نصف ملعقة صغيرة نسكافي
6 قطع من بيسكويت اوريو
الطريقة:
كنخدو البسكويت نعزلو الكريمة عن البسكويت ونهرمشو البسكويت ونديروه في الكوؤس ديالنا ونطحنو الحليب والكريمة لي زولنا من البسكويت والبنان ودانون والنسكافي متكون كتيرة باش مايكحلش الحليب ونكبوه في الكوؤس ونزوقوه من الفوق بالبسكويت مهرمش وقطع الاوريو وبصحتكم.
0 التعليقات:
إرسال تعليق