كيكة الطبقات الباردة

كيكة الطبقات الباردة

المقادير:

الطبقة الاولى:

2 بيضات+8 معلاق حليب+8 معلاق سنيدة+6 معلاق زيت+10 معلاق دقيق +فاني+خميرة حمراء+ بشر برتقالة او حامض محكوكة نخلطو كلشي مزيان نديروها في مول كيتفتح مدهون بالزبدة ومرشوش بالدقيق ندخلوها الفرن طيب.

الطبقة الثانية:

نصف  لتر حليب+فلان فريز+3 معلاق سنيدة+معلقة النشا نديروهم في كصرونة فوق النار حتى اعقد و ملي طيب كيكة وتبرد نكبوه فوقها وندخلوها الثلاجة تبرد مزيان ساعاتين او اكثر.

الطبقة الثالتة:

كاس عنبة حليب+2 معلاق كريم باتسري+2 معلاق سنيدة+ فاني نديروهم فوق النار حتى اعقد ونكبوه فوق الطبقة الثانية وندخلوها الثلاجة تبرد .

الطبقة الاخيرة:

نصف لتر حليب+3 معلاق كريم باتيسري+2 معلاق كاكاو غبرة +فاني+4 قطع شكلاط نديرو كلشي فوق النار مع التحراك المستمر حتى اعقد ونكبوه فوق الطبقة الثالتة ونعودو ندخلوه ابرد والتزين حسب الاختيار انا درت حبيبات الشكلاط وبصحتكم.