طارط بالتفاح

 طارط بالتفاح 

المقادير:

العجين:كاس ونصف دقيق+2 معلاق سكر كلاصي+معلقة ونصف زبدة+ صفر بيضة +2 معلاق الماء.

نخلطو الدقيق والسكر والزبد وصفر بيضة بالاصابع ونزيدو الماء شوية بشوية ونكوروها نديروها في بلاستك ندخلوها الثلاجة نصف ساعة.
منبعد نخرجوها وندلكوها ونديروها في مول مدهون ومرشوش وديرو فورشيط باش متنفخ .

الحشوة:

نصف لتر حليب+فاني+3معلاق كريم باتيسري +3 معلاق سنيدة نديروهم فوق النار اعقدو ونكبوه فوق العجين.
نجيبو 3 تفاحات نقطعهم شرائح ونزوقو بالشكل لبغينا فوق الكريم وندخلوها الفرن
ملي طيب دهنوها بالنباج او السيرو (الماء+سكر+عصير حامض اطيبو فوق النار)
وبصحتكم.