ميل فوي سهلة وبسيطة

ميل فوي سهلة وبسيطة

المقادير:

العجين المورق :

2 كيسان و نصف دقيق+نص معلقة خميرة حمراء+معلقة سنيدة+ملح+ماء بارد

الطريقة:

نجمعوا بالماء البارد و ملي تجمع ندلكوا بمعلقة زبدة و نسرحوها و نحطوا 125 غرام زبدة ونجمعوا كي المسمنة و نسرحوها تاني حاولوا ماتخرج ليكم من جناب و نبقاو نسرحوا و نجمعوا تاني و فكل مرة نديروا صبيعاتنا ف دقيق بحال ملي نرشوا المسمن و نطويو بزاف مرات و هاهيا واجدة .
نسرحوها فوق الطاوة و نقسموها على جوج طيب ف فران ملي طيب نعمروا كل وحدة بكريم باتسيير (راه كاتكون مورقة دغيا كاتحل ) و نلصقوا وحدة فوق وحدة و نديرو بيناتهم الكريم و نزوقوا الفوق ب الفوندون و شكلاط.

الكريم بتيسري:

2 كيسان حليب مع نصف كاس سنيدة المهم حسب الدوق و 2 معالق دقيق و فاني و صفر بيضة فوق البوطة حتي تعقاد.

الفوندون:

بياض بيضة- معلقة خل- معلقة صغيرة نشا نخلطو فمولينكس و نبداو نزيدو سكر كلاصي تقريبا شي رابعة .
بالنسبة للشكلاط انا خديت معلقة من الفوندون و زدت عليه معلقة شكلاط غبرة و معلقة زيت فمولنكس )
ندخلوها تبرد و بالصحة والراحة.