حريرة الحامضة او الحمراء
المقادير والطريقة:
اول حاجة كنخمرو اللحم: طريفات اللحم مقطعين مربعات صغار نزيدو ليهم القزبور والمعدنوس والكرافس مقطعين مزيان و بصلة مشلطة مزيان والخرقوم والابزار اكون زايد شوية باش كتجي لذيذة نخلوها تخمر في هد التوابل واحد 20 دقيقة .
كنجيبو الكوطوط ونديرو فيها اللحم لي خمرنا ونزيدو ليه شوية الزيت و3 مطيشات كبار محكوكين ونشحروها مزيان ونزيد الماء حتى تقرب تعمر الكوكوط ونديرو الحمص لي سبق ورطبناه في الماء ونسدو الكوكوط واحد نصف ساعة نفتحوها نشوفو الى الحمص طاب مزيان الى مطاب نسدو عليه شوية والا طاب نكبو العدس ونسدو الكوكوط من جديد حتى اطيب العدس ونرميو الشعرية غير جوج معلاق كبار متكتروهاش ونصوبو التدويرة نخدو الدقيق و 3 معلاق مطيشة الحك والماء ونخلطوهم حتى انسجمو و نكبو 2 كيسان ماء في الكوكوط ونكبو الدقيق لصوبنا ونحركو في نفس الوقت باش الدقيق ميتكورش والتحراك المستمر 15 دقيقة حتى طيب مزيان ونزيد الملح ونشوفها الى جرية نزيدو الدقيق و الى تقيلة نزيدو الماء وطيب مزيان وبصحتكم.
0 التعليقات:
إرسال تعليق