بيتزا بالسبانخ
المقادير:
العجين:
نصف كاس زيت العود ولوسيور مخلطين+كاس حليب دافئ+ معلقة نيدو غبرة+نصف معلقة خميرة العجين+ خميرة حمراء+شوية من الابزار والملح وسنيدة والزعتر +دقيق الكافي نعجنو العجين نخلوها ترتاح ونوجدو الحشوة.
الحشوة:
ربطة ديال السبانخ مغسولين ومقطعين هما وشوية القزبور والمعدنوس ونزيدو ليهم شوية ملح وندوزوهم في مقلة فيها شوية الزيت حتى ادبالو ونجيوبو 2 بيضات نطربوهم هما والملح والابزار وسكنجبير وزريعة القزبور ونزيدو السبانخ لشحرنا ونخلطوهم مزيان.
ندلكو العجين بالمدلك ونسرحوها في صينة الفرن مدهونة ومرشوشة بالدقيق ونتقبوها بالفورشيط ونكبو الحشوة ونحكو فوقها فرماج احمر وندخلوها فرن طيب وبصحتكم.
0 التعليقات:
إرسال تعليق